Спорт — барлық тәрбие атауының бір саласы.

Салауатты өмір салтын қалыптастыруда дене тәрбиесінің маңызы зор. Жастарды болашақтың тірегі болатын, денсаулығы мықты азамат ретінде қалыптастыру керек. Жастардың жан-жақты дамуын спортсыз елестету мүмкін емес. Спорт — барлық тәрбие атауының бір саласы.

Хамза атындағы №2 жалпы білім беретін мектебінде мектептің 105 жылдық мерейтойына орай Кіші футбол жарысынан мектепішілік жарыс өткізілді. Мектеп оқушыларының денсаулығын нығайту және өскелең ұрпақты отан сүйгіштік рухта тәрбиелеу, жарысқа қатысушылардың спорттық шеберлігін көтеру және салауатты өмір салтын қалыптастыру, мектепішілік спортты кеңінен насихаттау мақсатында ұйымдастырылған жарысқа 10-11 сынып оқушылары белсене қатысты. Жарыс әрі қиын, әрі қызық, өте тартымды өтті. Жарысқа оқушылар жоғары дайындықпен белсенділікпен қатысты. Жарыста жақсы, белсенді қатысқаны үшін І орынды 11-«А» сыныбы иеленді. ІІ орынды 10-«А» сыныбы иеленді. ІІІ орынды 10-«Б» және 11-«Б сыныбы иеленді. Жарысқа қатысқан оқушылар мақтау қағаздары мен марапатталды.