Қазақстан Республикасының «Білім туралы» Заңының 6- бабынын 2-тармағына сәйкес Түркістан қаласының «Білім бөлімі» мемлекеттік мекемесінің әдістемелік кабинеттің 2024-2025 оқу жылына арналған жұмыс жоспарын жүзеге асыру мақсатында 2024 жылдың 22 қазан күні М.Жұмабаев атындағы N15 мектеп-гимназиясы, Ататүрік атындағы N17 мектеп гимназиясы, Хамза атындағы N2 жалпы білім беретін мектептері арасында «Білім беруді дамыту жағдайында бейіналды және бейіндік оқытуды тиімді ұйымдастырудың заманауи әдіс- тәсілдері» тақырыбында жоба жұмыстары ұйымдастырылды.Жоба мақсаты:1.Жалпы орта білім беру құрылымын жетілдірудің негізгі бір бағыты-бейіналды даярлық пен бейіндік оқытуды енгізу.
2.Қазақстандық еңбек нарығы мен экономикасының болашағында сұранысқа ие және қажетті болашақ мамандықты сәтті таңдау үшін білім алушылардың мамандықты оқып білуге шығармашылық тәсілдемесін жандандыру, білім алушылар мен педагогтерді бірлескен қоғамдық маңызды кәсіби бағдар қызметіне тарту, балаларды қосымша біліммен қамту.
Жоба міндеттері:*бейінді бағдарды анықтауға бағытталған танымдық пән кәсіби қызметтің әртүрлі салаларына оқушылардың қызығушылығын,икемін,қабілетін анықтау.
*оқушыларға өмірлік,әлеуметтік, құндылықтар жөнінде психологиялық-педагогикалық көмек көрсету.
*болашақ кәсіби қызметінде табысқа жететіндей танымдық және кәсіби білік, дағдылары мен негізгі құзырлылықтарын дамыту.
*өзінің одан арғы білім алу бағыты мен кәсіби таңдауына жауапкершілігін қалыптастыру.
Мектептер арасында ұйымдастырылған бұл жобаға Хамза атындағы N2 жалпы білім беретін мектебінің оқушылары«Менің кәсібім- менің бизнесім»,
«Жас мобилограф»,
«Мен мамандықты….таңдаймын» тақырыбында шығармашылық жұмыстарымен қатысты.
«Шәкірт жетістігі-ұстаз еңбегі» дегендей, оқушыларымыздың өнерге, білімге деген құштарлығын арттыруда аянбай еңбек етіп келе жатқан ұстаздарымызға алғыс айтамыз.Шәкірттерімізге алар асуларың, шығар шыңдарың көп болсын деп тілек білдіреміз!!!
